" ارقام بنات " - بقلم : محمد موسى عساكره
الخميس | 24/08/2017 - 11:50 صباحاً
" ارقام بنات " - بقلم : محمد موسى عساكره

بس تكون تدور ع اي شي بالانترنت ، لحاله بيحاول يستنتج من اي كلمة بتكتبها ، شو ممكن تكون تكملتها و بيقترحلك باقي الجملة
مثلا اكتب : هاني .. لحالو بيكتبلك  " هاني شاكر "
او اكتب : غلبان .. بيستنتج لحاله و بيقترح " نبذه عن التمريض ".....بيستنتج من عمليات البحث اليومية يلي عاملينها معظم المستخدمين
مبارح بالصدفة كتبت كلمة " ارقام " ..  بدور عأرقام مؤسسه معينه.. اقترحلي الغوغل .. " ارقام بنات "
بناء ع كافة البحوثات السابقة التي تمت من الباحثين العرب ، الشي الوحيد المنطقي و المتكرر يلي ممكن كون بدور عليه بالانترنت هو ارقام بنات !! في ناس بتبحث يوميا عن ارقام بنات .!!! ليش  !!!؟ كيييف ؟؟؟!
شو بتستفيد اذا حصلت ع رقم انثى موجودة بمكان ما من الارض ؟؟ يزم امسك التلفون ورن اي رقم عشوائي ، احتمال 70% يكون رقم بنت.......اذا طلعلك شب ، سكّر .. و جرب رقم ثاني .. اذا طلعلك صوت بنت .. مبروك .. احفظه عندك .. احفظه بإسم : ( بنت )
طب شو ممكن تقول لاي بنت اخدت رقمها من الغوغل !!!!؟؟؟
- مرحبا .. كيفك ..
حضرتك بنت ؟ انا صبي .. لاقيت رقمك بالنت  .. شو بتعملي بالغوغل ؟؟؟  انا كثير بحب الغوغل عفكرة .. دايما باستخدمه ..بصراحة في موضوع صار الي كم ثانية ناوي افتحه معك بس متردد ..بصراحة انا حسيت رقمك كثير مميز  و شدني كثير اتعرف عصاحبتو .. و ما خيبني ظني .. فعلا طلعتي ... بنت .. .......
كيف ؟؟؟ اجاكي اتصال ثاني ؟؟؟ مين ؟؟ شب من الانترنت ؟؟؟ ينعن حواجبه شو وقح .. بيعرفك او بتعرفيه شي ؟؟؟ هيك من الباب للطاقة اخد رقم من النت واتصل ؟؟؟ الناس ما ضل فيها حس يعني ؟؟؟ قلتيلو انك مرتبطة ؟؟
كيف ؟؟ اجاكي اتصال ثالث ؟؟شب جديد من الانترنت ؟؟؟؟؟
يعلن اخت الغوغل شو وسخ .. شو ما في غير رقمك يعطيه يمين و شمال ؟؟؟ قلتيلو انه بتحكي معي ؟؟؟ قلتيله انو انا حسيت رقمك مميز و انو انا رنيت اول شي ؟؟؟
كيف ؟؟ انا تاسع واحد بيتصل خلال هالساعة ؟؟؟لا ... الظاهر احساسي فيكي كان غلط .. و انتي بتحكي مع شباب كثير و فاتحة مجال لاي شخص....انا كنت مفكرك  بنت راكزة و بتقدّر قيمة الجنس الآخر
الو ؟؟؟ الو !!!
لمناخيري ..ما في غيرك بالنت يعني يعني ؟ و هاي غوغل
" ارقام بنات ... راكزة .. و بتقدر قيمة الجنس الآخر ... "
جاري البحث!!!
 

 






التعليـــقات

اعلان خارجي
 
طقس فلسطين

أوقات الصلاة
الفجر 05:57
الظهر 12:53
العصر 04:03
المغرب 06:28
العشاء 07:50
استفتاء السلام
هل برأيك سيستمر العرب في تطبيع اكبر مع اسرائيل ؟
0
0
0

ينتهي التصويت بتاريخ 24/02/2019

10 أطعمة تستطيع تناولها دون الخوف من الوزن الزائد
تلفزيون السلام - فلسطين :  ينصح خبراء التغذية بضرورة عدم حرمان الجسم من الأكل لدرجة الجوع الشديد، ...
الصحة العالمية: الهواتف الذكية تهدد مليار شخص بفقدان السمع
تلفزيون السلام - فلسطين :  حذّرت منظمة الصحة العالمية، من أن نحو 1.1 مليار شخص في العالم ...
تناول الفواكه والخضروات بكثرة يحسن صحة عقلك
تلفزيون السلام - فلسطين : أظهرت دراسة بريطانية حديثة، أن زيادة كمية الفواكه والخضروات التي يتناولها الأفراد، ...
لعشاق "الكرواسون".. احذروا
تلفزيون السلام - فلسطين :   يعتبر الكرواسون، من أشهر المخبوزات التي نتناولها في أوقات الإفطار، خاصة لرواد ...
اخصائية: المواد الملونة الصناعية تشتت انتباه الطفل وتسبب فرط ...
تلفزيون السلام - فلسطين :   قالت اخصائية التغذية رشا شواورة، ان هناك مواد ملونة طبيعية تضاف إلى  ...