الأخبار :
خبر عاجل
للأخبار العاجلة لحظة بلحظة عبر قناتنا على تلجرام : Salamtv1
فساد حكومة بقلم : محمد موسى عساكره
الجمعة | 24/08/2018 - 05:59 مساءاً
فساد حكومة بقلم : محمد موسى عساكره

ضيف حلقة اليوم , رجل الاعمال الفلسطيني الشهير , بهيج بهيج..
-استاذ بهيج مثل ما بنعرف صاحب أكبر شركات البناء في البلد , وواضع نظرية الحركة المصرفية الحديثة في الدول النامية، و صاحب ثالث أكبر جامعة خاصة في الشرق الاوسط , بالإضافة لمشاريع سياحية متعددة و على المستوى العالمي للجودة

-استاذ بهيج .. احكيلنا عن الرؤيا .. عن البداية .. و عن اول المشوار 

- شكرا الك ..
حقيقة البداية كانت جدا متواضعة و بعيدة كل البعد عن الوضع الحالي... تخيلي مثلا .. بالمدرسة .. كنت دائما  الاخير عالصف .. و بدون استثناء.... كنت كثير كسلان و بحياتي ما درست , و ما كنت افهم الرياضيات إطلاقا.... و قضيتها هربان وبلعب بالحارة مع ولاد الشوارع

- ههههه مثل معظم العباقرة ..
بقولو اينشتاين و ستيف جوبز و غيرهم من العباقرة كانو يهربو من المدرسة .. كملّ النا .. كيف بعدها تغيرت الامور ؟

- ممممم بالاعدادي كونت عصابتي الاولى
كانت اوسخ عصابة بالبلد .. نضرب الولاد , و نرمي حجار عالختايرة , نسرق الدكاكين و نكسر القزاز ..ما كان حدا يطيقنا ..و تخيلي مرة .. سرقنا سيارة جارنا و لسا ما كان عمري 13 سنة .. ههههههه

- الله عليك شو كنت شقي  و حكياتك ظراف .. هههههه ..
المهم .. شو صار بعدها بحياتك ؟

- كنت ما بعرف سوق .. دعست رجال كبير و مات
و خفت و هربت خبيت السيارة المسروقه
و ضليت أربع أيام برجف و ما طلعت من البيت
و صرت فكر بأمور غريبة ما كانت تخطرلي وقتها ...

- اها .. ووقتها تغيرت حياتك للأبد بعد هالقصة ؟

- لا .. بعد كام يوم نسيت كل شي و رجعت عالحارة
و قضينا صيفية فظيعة انا و الزعران .. اشتريت اول مسدس بحياتي .. و عملنا دوري صيد قطط... و كنت الثاني عالدوري , لانو رفيقي كان سابقني بقطتين.... قمت طخيتو برجلو و ربحت انا الدوري..... من احلى صيفيات عمري بقلك ..بس بعدها بالثانوية العامة , هون دخلت حياتي منحنى جديد

- اي احكيلنا .. شو الحادثة يلي غيرت نظرتك للامور

-  فعلا كان في حادثة صغيرة ..
وقت اتحرشت باول بنت قاصر و دخلت سجن الاحداث
كانت زيارة قصيرة , بس تلتها عدة زيارات أطول بعد حوادث التحرش المتعددة..... فترته كوّنت معظم أصدقاء شبابي , و قضينا أيام لا تنسى

- فعلا طفولة غريبة و .. و منقدر منقول مميزة , نظرا للاختلاف .. و الـ  .. انو .. بس ...  بس أكيد الجامعة كانت ..

- فشل ذريع
الجامعة كانت فشل ذريييع بكل معنى الكلمة،. ما ضل معهد ما تقلعت منه .. و تركت الدراسة طبعا و انزلت عالشغل و اتجهت للحياة العملية

- أهاا .. وهون اكتشفت حالك و عشقك للبزنس وانطلقت في مجال المشاريع ؟

- لا لا ..
كمان فشلت فشل ذريع بالشغل ..
طبعا بسبب شخصيتي الحقيرة .. ما كنت حب اخد أوامر من حدا  .. فما قدرت اشتغل عند العالم و قررت اشتغل لحالي
بس مثل ما قلتلك .. عقلي مش تجاري اطلاقا و بكره الارقام و الحسابات
و فشلو كل مشاريعي يلي حاولت اعملها 
و ضليت هيك افشل بكل شي
و قضيتا سرقة و زعرنة وشرب و حشيش و نسوان
و الناس ما تحترمني و تكرهني و تبتعد عني
و صرت منبوذ و مكروه اجتماعيا
و صرت مثال للفسق و الحقارة
و ضليت عهالحالة شي عشر سنين

- ... اي  ؟

- اي بعدين بابا استلم الوزارة .. و مشي الحال
نشكر الله على كل شي





التعليـــقات

اعلان خارجي
 
طقس فلسطين

أوقات الصلاة
الفجر 05:23
الظهر 12:47
العصر 04:14
المغرب 06:50
العشاء 08:12
استفتاء السلام
هل تتوقع وصول العالم للقاح فعال ضد فيروس كورونا؟
0
0

ينتهي التصويت بتاريخ 22/04/2020

دراسة حديثة: النساء يمتلكن ذاكرة أقوى من الرجال.. والسبب "غر ...
تلفزيون السلام - فلسطين - كشفت دراسة علمية بريطانية حديثة، أن النساء يمتلكن ذاكرة أقوى من الرجال، ...
سبعة اسباب مذهلة تجعلك تشرب القهوة يوميا
تلفزيون السلام - فلسطين :تعد القهوة المشروب الرئيسي عن الكثيرين، فشرب فنجان قهوة في الصباح، خاصة في ...
دراسة: القهوة تقي من مشاكل الكبد مع التقدم في العمر
تلفزيون السلام - فلسطين :  خلصت دراسة إلى أن شرب القهوة يقي من مشاكل الكبد في المراحل ...
كيف تحضر جسمك لصيام سهل؟
تلفزيون السلام - فلسطين :  تفصلنا أيام قليلة على شهر رمضان، فترة يفضل أن يتم استغلالها لتهيئ ...
الغذاء السليم والرياضة وجهان لعملة واحدة مع المدرب الرياضي و ...
تلفزيون السلام - فلسطين :  كثيرٌ ما يدور في جَعبَتنا ويلمع في أذهاننا موضوع الحفاظ على الرشاقة ...